कुश्मा। कुश्मास्थित शताब्दी घर परिसरमा कलाकार अरनिकोको कृति परिचर्चा र सम्झना गरिएको छ।
अरनिको निधन भएको दिन (सन् १३०६ मार्च ११ तारिख ६३ वर्षको उमेरमा चीनमा निधन भएको) अवसर पारेर कुश्मा कला परियोजनाले पर्वत कुश्मामा राष्ट्रिय विभूति अरनिको स्मृति दिवस कार्यक्रम सम्पन्न गरेको हो।
कवि÷ कलाकार गणेशकुमार जिसीद्वारा लिखित “अरनिको एशीयाः एक प्रस्तावना” पुस्ताकको चर्चा गर्दै स्रष्टाहरुले नेपालले राष्ट्रिय विभूति अरनिकोलाई चिन्नै नसकेको धारणा व्यक्त गरे। तत्कालीन समयमा नेपाली कला र संस्कृतिलाई छिमेकी देश चीनमा प्रचार गरेर ठूलो गुन लगाएका उनको पूर्णजीवनी र खोज एवम् अनुसन्धान हुन नसकेकोमा सहभागी वक्ताहरूको समान चिन्ता थियो।
इसाको बाह्रौँ शताब्दी सन् १२४४ मा ललितपुर पाटनमा जन्मिएका अरनिकोले चीनमा गएर आफ्नो कलाकौशलका माध्यमबाट स्वदेशी वास्तुकलाको विदेशमा प्रवद्र्धन गरेका थिए। अरनिको नेतृत्वमा नेपालबाट चीनतर्फ गएका कलाकारको समूहले सन् १२७१ मा चीनको राजधानी बेइजिङको मध्यभागमा करीब आठ वर्षको समयावधिमा प्यागोडा शैलीमा श्वेत चैत्यको निर्माण गरिएको छ।
“कार्यक्रमलाई अबका हरेक वर्ष अरनिकोको जन्म र स्मृति दिवसलाई भव्यरुपमा मनाउने सोच कुश्मा कला परियोजनाले लिएको छ,” कवि तथा परियोजनका परिकल्पनाकार आर के आदिप्त गिरीले भने। “ शताब्दी घरको परिसरमा कलाकार अरनिकोको प्रतिमा र उनीद्वारा निर्मित स्वेतचैत्यको स्थापना गर्ने सोच हाम्रो छ।” उनले भने
तस्वीरहरू:
