उदाहरणीय लाहुरे (भिडियाे कुराकानी)

एभरेष्ट पेडिया टिभी

गृहपृष्ठ
एभरेष्ट पेडिया टिभी
उदाहरणीय लाहुरे (भिडियाे कुराकानी)

उदाहरणीय लाहुरे (भिडियाे कुराकानी)

शनिबार, असार २१, २०८२ एभरेष्ट पेडिया

काठमाडाैं। रिटायर्ड लाइफमा जन्मथलो उज्यालो बनाउने अभियानमा समर्पित एकजना लाहुुरे हुन्, चामबहादुर पुुन। जीवनका उर्बर १५ वर्ष बेलायती सेनामा बिताएका यिनले त्यसपछिका १० वर्ष ब्रुुनाइका सुुल्तानको सेवामा बिताए। ब्रुनाइबाट फर्केर जन्मथलो म्याग्दीमा योगदानको जीवन बाँचिरहेका छन्। म्याग्दी जिल्लाको अन्नपूर्ण गाउँपालिका–८ मा पर्ने काफलडाँडाको मुहार फेरिदिएका छन्।

यिनकै परिकल्पना एवम् अगुवाइमा काफलडाँडामा करबाकेली थान, पुन सामुदायिक सङ्ग्रहालय, सामुदायिक पाहुनाघर आदि बनाइएका छन्। त्यति मात्र होइन, पुनहिलदेखि करबाकेली थान भएर बेनीबजार जोड्ने पदमार्गलाई ‘करबाकेली इको ट्रेक’का रुपमा ब्रान्डिङ गरिएको छ।

काफलडाँडाको विकासमा चामबहादुरले तन, मन र धन अर्पण गरेका छन्। यिनको परिवार बेलायतमा बस्छ। यिनी भने वर्षका अधिकांश समय जन्मथलोमै बस्छन्।

चामबहादुरले आफ्ना कुलदेवता करबाकेली बाबाको अनुसन्धान गर्नुका साथै पुन जीवनशैलीमा आधारित दुुइटा चलचित्र समेत बनाएका छन्। संस्कृतिका केही पुस्तक पनि लेखेका छन्। यसरी दुुई दशकभन्दा लामो समयदेखि सामाजिक काममा खटिएका चामबहादुरलाई स्वदेश तथा विदेशमा रहेका म्याग्देलीले मन खोलेर सहयोग पुर्याउँदै आएका छन्।

समाजसेवी चामबहादुर पुनको शिरमा करबाकेली बाबाको आशीबार्द छ। यिनले आफ्नो जीवनयात्रालाई केलाएर एउटा पुस्तक लेखेका छन्, ‘लाहुरेको सङ्घर्ष’। यिनको जीवनकथाले हामीलाई जन्मथलोको मुहार फेर्न प्रेरित गरिरहनेछ।

प्रकाशित मिति: शनिबार, असार २१, २०८२ १९:०६

Previous Video

आनन्द प्राप्तिको व्यवहारिक सूत्र (भिडियो) बिहीबार, असार १९, २०८२

प्रतिक्रिया दिनुहोस्

थप एभरेष्ट पेडिया टिभी