...जसले एउटै चित्र ४१ लाखमा बिक्री गरे (भिडियाे अन्तर्वार्ता)

एभरेष्ट पेडिया टिभी

गृहपृष्ठ
एभरेष्ट पेडिया टिभी
...जसले एउटै चित्र ४१ लाखमा बिक्री गरे (भिडियाे अन्तर्वार्ता)

...जसले एउटै चित्र ४१ लाखमा बिक्री गरे (भिडियाे अन्तर्वार्ता)

सोमबार, फागुन १९, २०८१ एभरेष्ट पेडिया

नेपालको चित्रकला (आर्ट) क्षेत्रमा बुद्धि गुरुङ स्थापित नाम हो। गुरुङले पोखरामा रहेर नेपाली समाजको सौन्दर्यता, कथा–व्यथा, कला, संस्कृति, परम्परालाई चित्रको माध्यमबाट संसारमा चिनाउँदै आएका छन्।

उनको वि.सं. २०१५ भदौ १४मा कास्कीको अर्मला गाउँमा जन्म भएको हो। लाहुरे परिवारमा जन्मिएका गुरुङले ६ वर्षको उमेरमा ब्रिटिश आर्मीमा भर्ती बुबा गुमाएका थिए। त्यसपछि वि.सं. २०२७ मा उनको परिवार पोखराको बगरमा आएर बसेको थियो।

आठ कक्षामा पढ्दा दुई महिना लामो बिदाको समयमा उनलाई शिक्षकले किताबमा भएका सबै चित्र कोरेर ल्याउन लगाएका थिए। त्यो जिम्मेवारी पूरा गर्दैगर्दा गुरुङ चित्रकलामा पूर्णरुपमा डुबेका थिए।

त्यसपछि चित्र कोर्न थालेका थिए उनले। उनको चित्रकला देखेर शिक्षकहरुसमेत मोहित भएका थिए। त्यसैले शिक्षकहरुले ‘अफिस कोठा’मा बोलाइ खाजा खुवाएर चित्र कोर्न लगाउँथे। कक्षा १०मा पढ्दासम्म उनले चित्रबाट पुरस्कार र सम्मानको स्वाद चाखिसकेका थिए।

२०३६ सालमा दुर्गा बराल (वात्स्यायन)सँग चित्रकलाको औपचारिक तालिम लिएका बुद्धिले त्यसयता निरन्तर चित्र (आर्ट) बनाउँदै आएका छन्। उनका चित्र नेपालमा मात्रै नभएर विश्वबजारमा बिक्री हुने गरेका छन्। उनले एउटै आर्ट ४१ लाखसम्ममा बिक्री गरेको बताए।

उनै वरिष्ठ कलाकार बुद्धि गुरुङसँग एभरेस्ट पेडियाका लागि रोशनी गुरुङले गरेको कुराकानी: