पोखरामा लोककवि अलिमियाँको सम्झना

विविध

गृहपृष्ठ
विविध
पोखरामा लोककवि अलिमियाँको सम्झना

पोखरामा लोककवि अलिमियाँको सम्झना

बिहीबार, साउन १८, २०८० एभरेष्ट पेडिया

लोककवि अलिमियाँको स्मृतिमा आयोजित कार्यक्रमलाई सम्बोधन गर्दै पोखरा प्रज्ञा प्रतिष्ठानका कुलपति पदमराज ढकाल ।

पोखरा। लोककवि अलिमियाँको १७ औं स्मृति दिवसका अवसरमा बिहीबार पोखरामा वृक्षारोपण गरिएको छ।

अलिमियाँ लोकवाङ्मय प्रतिष्ठान र पोखरा प्रज्ञा प्रतिष्ठानको संयुक्त आयोजनामा भानु प्रतिभास्थलमा रुख रोपिएको हो। कार्यक्रमलाई भानु वाङ्मय प्रतिष्ठान, भानुमार्ग टोल विकास संस्था, भानुमार्ग ‘क’ आमा समूहले सहयोग पुर्‍याएका थिए।

कार्यक्रममा प्रा.डा. कुसुमाकर न्यौपाने, प्रेस सेन्टरका केन्द्रीय उपाध्यक्ष निर्मल ज्ञवाली, पोखरा प्रज्ञा प्रतिष्ठानका कुलपति पदमराज ढकाल, पत्रकार कृष्णप्रसाद बाँस्तोला, पोखरा महानगरपालिकाका वडाध्यक्ष प्रेमप्रसाद कर्माचार्य, लोकगायिका हरिदेवी कोइराला, साहित्यकारहरू अम्बिकाप्रसाद भट्टराई, धर्मराज पौडेल र अफजल मियाँलगायतले लोककविको योगदानमाथि प्रकाश पारेका थिए।

कार्यक्रमा पदमराज ढकाल र हरिदेवी कोइरालाले लोककविका गीत गाएर माहौललाई रसिलो बनाएका थिए।

प्रकाशित मिति: बिहीबार, साउन १८, २०८० १३:४६

प्रतिक्रिया दिनुहोस्