संखुवासभाकाे वानामा पाथिभरा माताको प्राणप्रतिष्ठा (तस्बिरहरु)

फोटो ग्यालरी

गृहपृष्ठ
फोटो ग्यालरी
संखुवासभाकाे वानामा पाथिभरा माताको प्राणप्रतिष्ठा (तस्बिरहरु)

संखुवासभाकाे वानामा पाथिभरा माताको प्राणप्रतिष्ठा (तस्बिरहरु)

मंगलबार, फागुन ३०, २०७९ एभरेष्ट पेडिया

संखुवासभा। संखुवासभाको पाँचखपन नगरपालिकाको ६ नं वडामा पर्ने वाना भाङ्टारमा सिद्धदेवी पाथिभरा माताको प्राणप्रतिष्ठा सम्पन्न भएको छ ।

फागुन २१ बाट सुरु भएको प्राणप्रतिष्ठा बिहीबार समापन गरिएको हो ।

देवीको प्राणप्रतिष्ठा पण्डित खेमनाथ दाहाल नेतृत्वमा विधिवत् रुपमा गरिएको हो । प्राणप्रतिष्ठाको अघिल्लो दिन सिद्धदेवी पाथिभरा माता र सिद्धेश्वर महादेवको साथै अन्य देवी देवताहरुको प्राणप्रतिष्ठाको लागि कलश यात्रा गरिएको थियो भने जलवास गराइएको थियो ।

त्यसपछि अनादी वास, फलादी वास, घिर्तादी वास गर्दै विहिवार विधिवत रुपमा प्राणप्रतिष्ठा समापन गरिएको हो ।
सिद्धदेवी पाथिभरा संरक्षण संस्थाले आयोजना गरेको कार्यक्रममा पाँचखपन नगरपालिका र नगर वाहिरका भक्तजनहरुको उपस्थिति रहेको थियो ।

सिद्धदेवी पाथिभरा माताको मन्दिर हालै सम्पन्न भएसँगै प्राणप्रतिष्ठा कार्यक्रमको आयोजना गरिएको संस्थाका देवराज पुरीले जानकारी दिए । उनले भने–‘पाथीभरा मन्दिरको प्राणप्रतिष्ठा भएको छ, अब संखुवासभाको वानामै दर्शन गर्न पाइने भएको छ ।’
तस्बिरहरुः