ताप्लेजुङ। धार्मिक एवं पर्यटकीय स्थल पाथिभरा क्षेत्र अहिले हिमपातले सेताम्मे बनेको छ।
लामो समयदेखि हिउँ नपर्दा चिन्तित बनेका किसानहरु हिउँ परेसँगै उत्साहित भएका छन् । विगत वर्षहरुमा पुस दोस्रो सातादेखि नै हिउँ पर्ने गरे पनि यसपटक माघ पछि मात्र यो क्षेत्रमा हिउँ परेको स्थानीयले बताएका छन् ।
हिउँले पाथिभरा क्षेत्रको देउरालीदेखि माथिको क्षेत्र सेताम्मे बनेको हो। तेर्से, भालुगौडे, काफ्लेपाटी, फेदी र मन्दिरासम्म हिउँले ढाकेको छ।
हिमपातसँगै चिसो बढेपछि ज्येष्ठ नागरिक र बालबालिका बढी प्रभावित भएका छन्।
पछिल्लो समय बाह्रै महिना पाथिभराको दर्शन गर्न भक्तजन आउने गरेका छन्। भारतका सिक्किम, पश्चिम बंगाल, उत्तर प्रदेश, बिहारलगायत राज्य तथा पाकिस्तान र बंगलादेशबाट पनि पाथिभरा दर्शन गर्न आउने क्रम बढ्दो छ।
हेर्नुहोस् तस्बिरहरू:
.jpg)
.jpg)
.jpg)
.jpg)
.jpg)
.jpg)
