रानीमहलको रंग उड्दै, सौन्दर्य मर्दै (तस्बिरहरू)

पर्यटन समाचार

गृहपृष्ठ
पर्यटन समाचार
रानीमहलको रंग उड्दै, सौन्दर्य मर्दै (तस्बिरहरू)

रानीमहलको रंग उड्दै, सौन्दर्य मर्दै (तस्बिरहरू)

बुधबार, कात्तिक १९, २०८२ मनिष अर्याल

पाल्पा। पाल्पाको ऐतिहासिक र प्रतीकात्मक रानीमहल पछिल्ला दिनमा फेरी चर्चामा आएको छ । तर यसपटक यसको सौन्दर्यका कारण होइन, रंग उडेका र व्यवस्थापनमा बेवास्ता भएकाले। स्थानीय निकायले राजस्व उठाउँदा पनि सरसफाइ र रंगरोगनमा ध्यान नदिँदा यो ऐतिहासिक धरोहरको स्वरूप बिग्रँदै गएको छ।

Ranimahal-palpa-(17)-ink-1762346231.jpeg

केही समययता महलको रंग उडेपछि कालो देखिन थालेको र सरसफाइ नहुँदा पर्यटकहरू असन्तुष्ट भएका हुन्।

तानसेन नगरपालिकाले प्रवेश शुल्क उठाउँछ भने पार्किङ शुल्क बगनासकाली गाउँपालिकाले लिँदै आएको छ। साउनदेखि कार्तिक १२ गतेसम्म नगरपालिकाले झन्डै १३ लाख ७० हजार ३ सय रुपैयाँ राजस्व संकलन गरेको भए पनि त्यसको उचित व्यवस्थापनमा ध्यान नदिएको गुनासो पर्यटक तथा स्थानीयहरूको छ।

रानीमहलको भित्री क्षेत्रमा बसेका प्रहरीले कपडा सुकाउनेदेखि फोहोर सफा नगर्ने कार्यले पनि पर्यटकहरूको अनुभवमा नकारात्मक प्रभाव पारेको छ।

Ranimahal-palpa-(16)-ink-1762346230.jpeg

२०७५ साउनमा पुरातत्व विभागले १० वर्षका लागि रानीमहलको जिम्मा तानसेन नगरपालिकालाई दिएको थियो। दैनिक कम्तीमा ३०० भन्दा बढी पर्यटक यहाँ पुग्ने गरेको नगरपालिकाको तथ्यांक छ।नगरप्रमुख सन्तोषलाल श्रेष्ठका अनुसार वर्षायामपछि देखिएका कालो दाग हटाउन र रंगरोगन पुनः गर्न प्रक्रिया अघि बढाइएको छ, तर विभिन्न प्रशासनिक कारणले ढिलाइ भएको हो।

Ranimahal-palpa-(14)-ink-1762346228.jpeg

वि.सं. १९५० मा तत्कालीन जनरल खड्ग शमशेरले आफ्नी रानी तेजकुमारीको सम्झनामा कालीगण्डकी नदी किनारमा युनानी शैलीमा निर्माण गरेको रानीमहल प्रेमको प्रतीकका रूपमा चिनिन्छ। यसको ऐतिहासिक र सांस्कृतिक महत्त्व जोगाउन समयमै संरक्षण आवश्यक देखिएको छ।

तस्बिरहरू

Ranimahal-palpa-(12)-ink-1762346225.jpeg