तस्बिरमा हेर्नुहोस् यस वर्षको छठ

पर्यटन समाचार

गृहपृष्ठ
पर्यटन समाचार
तस्बिरमा हेर्नुहोस् यस वर्षको छठ

तस्बिरमा हेर्नुहोस् यस वर्षको छठ

आइतबार, कात्तिक १३, २०७९ एभरेष्ट पेडिया

अस्ताउँदो सूर्यको पूजाअर्चना गरि यस वर्षको छठ पर्व धुमधामका साथ मनाइँदैछ।

आज छठको मुख्य दिन देशभर अस्ताउँदो सूर्यलाई अघ्र्य दिएर छठ पर्व मनाइँदै छ। राष्ट्रपति, प्रधानमन्त्री, मन्त्रीदेखि सर्वसाधारणले पनि अस्ताउँदो सूर्यलाई अघ्र्य दिइ पूजा अर्चना गरेका छन्।

सर्वसाधारणहरुले छठ पूजास्थल गई सूर्यसहित छठी माताको पूजा आराधना एवं अघ्र्यदान गरेका हुन्। देशका विभिन्न भागमा भव्यरूपमा मनाइने छठ पर्वका अवसरमा आज अस्ताउँदो सूर्यलाई पूजा आराधना गरी अघ्र्य दिन काठमाडौं लगायत देशका अन्य स्थानमा छठ घाट पनि सजाइएको छ।

कार्तिक शुक्ल चतुर्थीदेखि सप्तमीसम्म मनाइने छठ पर्वका अवसरमा गुह्येश्वरी–गौरीघाटलगायत राजधानीका अन्य स्थानमा पनि सजाउने गरिन्छ। आज बेलुकी अस्ताउँदो सूर्यलाई पूजा आराधनासहित अघ्र्य दिएका व्रतालु सोमवार बिहान सूर्य नउदाएसम्म छठ पूजास्थलमै जाग्राम बस्छन्।

बिहान उदाउँदा सूर्यलाई पूजा आराधनासहित अघ्र्य दिएपछि चार दिन लामो छठ पर्व सकिन्छ।

छठको व्रत बसेमा मनले चिताएको पूरा हुने कुरा सूर्यपुराणलगायत ग्रन्थमा वर्णित छ। महाभारतकालमा द्रौपदीसहित पञ्चपाण्डवले सूर्यको पूजा आराधना गरी एक वर्षे अज्ञातवास सफल भएको उल्लेख गरिएको छ।

यसै विश्वासका आधारमा छठ पर्व मनाउने परम्परा शुरु भएको मानिन्छ।

हेर्नुहोस् तस्बिरहरु