पशुपतिनाथमा थरीथरीका बाबाहरू (फोटोफिचर)

फोटो ग्यालरी

गृहपृष्ठ
फोटो ग्यालरी
पशुपतिनाथमा थरीथरीका बाबाहरू (फोटोफिचर)

पशुपतिनाथमा थरीथरीका बाबाहरू (फोटोफिचर)

शनिबार, फागुन ६, २०७९ एभरेष्ट पेडिया

महाशिवरात्रिमा पशुपतिनाथ मन्दिर परिसरमा साधुसन्तहरू

महाशिवरात्रिमा पशुपतिनाथ मन्दिर परिसरमा साधुसन्तहरू सबैको आकर्षण बन्ने गरेका छन् ।

नागा बाबा तथा साधुसन्तको आगमनले महाशिवरात्रिमा पशुपतिनाथ मन्दिर परिसर अन्य पर्वमा भन्दा विशेष लाग्छ ।

यतिबेला पशुनाथ परिसरमा अनुहार र शरीरमा खरानी घसेका जटाधारी बाबाहरुको बाक्लै उपस्थिती छ । शिवरात्रिभन्दा अगाडि देखिनै आएर बसेका उनीहरु धुनी जगाएर बसेका छन् ।

अधिकांश बाबाहरु गाजाले लठ्ठिएका देखिन्छन् । पशुपति क्षेत्रमा दर्शनार्थी तथा अन्य व्यक्तिको लागि गाजा सेवनमा प्रतिबन्ध छ । तर, बाबाहरुलाई भने खुला रहने गरेको छ । पछिल्ला वर्षहरुमा यस्ता लागुपदार्थको कारोबारका लागि नक्कली बाबाहरु खरानी घसेर बस्ने गरेको पनि बताइन्छ ।

महाशिवरात्रिका अवसरमा पशुपति क्षेत्रमा पाँच हजारभन्दा बढी साधुसन्तको आगमन भएको पशुपति क्षेत्र विकास कोषले जनाएको छ । नागाबाबालाई मूल मन्दिरभित्र राखिएको छ ।

साधुसन्तलाई बिहीबारदेखि नै कोषले भोजन, आवास र धुनीको व्यवस्था गरेको छ । यसमा गुठी संस्थानको पनि सहयोग रहेको छ ।

तस्बिरमा हेर्नुहोस् विभिन्न रुपी बाबाहरू :