हेरिरहुँ लाग्ने करिब ३०० मिटरको उचाइदेखि फुङफुङ गर्दै झरिरहेको ‘फुङफुङे झरना’ मनमोहक तथा कञ्चन झरना झरिरहेको छ । हिँउद–बर्खा बाह«ै महिना एकनास बगिरहने ताप्लेजुङको फुङफुङे झरना सधैँ उही र उस्तै सुन्दरता बोकेर वर्षौदेखि ठूलो चट्टानी पहाडबाट झरिरहन्छ । सदरमुकाम फुङ्लिङबाट करिब ४ घण्टाको गाडिको यात्रामापुग्ने सकिने यो ठाउँ आन्तरिक पर्यटकको आकर्षणको केन्द्र बन्दै गएको छ ।
ताप्लेजुङ सदरमुकाम फुङलिङवाट पश्चिम दिशामा रहेको फुङफुङे झरना मिक्वाखोला गाउँपालिकामा छ । जिल्लाकै दोश्रो ठुलो वजार दोभान, मेरिङदेन गाउँपालिकाको केन्द्र सुलुम्फी हुँदै यहाँ गाडीवाट तीन देखि चार घण्टामा पुगिन्छ ।
करिव ४५ किलोमिटर कच्ची सडक भएकाले कहिले सुखद त कहिले दुखद पहाडी यात्राको बिशेषता र अनुभव बटुल्ने अवसर पनि मिल्छ । यो झरना बाह«ै महिना बहिरहने देशकै लामो झरनामा पर्छ । स्थानीयतहको सरकार गठनहुनुपूर्व झरना गुमनाम झै रहेपनि पछिल्लो समय प्रचारप्रसारले र पूर्वाधार निर्माणले पर्यटकीय गन्तव्य बनेको छ । 
यो झरनाले प्राकृतिक सुन्दरताले भरिपूर्ण मात्र नभै पर्यटकीय र धार्मिक महत्व बोकेको छ । झरनालाई शक्तिको प्रतिक मानेर हुनुपर्दछ झरनाको फेदी नजिकै फुङफुङे देवीको पुजास्थल पनि राखिएको छ ।
झरनाको फेदमाबन्दै गरेको ७३ मेगावाटको मध्यमेवा जलविद्युत आयोजनाका कारण सडक मर्मत तथा स्तरोन्नती गर्ने काममा पालिकालाई मद्दत मिलेको छ । सडक पहुँच पुगेसँगै यति बेला झरना गाउँपालिकाबासीको आम्दानीको स्रोत बनेको छ ।
सडकको सुविध पुगेसँगै आन्तरिक पर्यटकको संख्या ह्वात्तै बढेको छ । झरना वाहेक लिम्बु समुदायको धाननाचदेखि गाउँघरको जनजीवनको गर्न पाउदा पर्यटकहरु हर्षित छन् । गाउँपालिकाको समेत प्राथमिकताको आयोजना भएकाले भविष्यमा पर्यटकीय गन्तव्य हुनेमा स्थानीय ढुक्क छन् । झरना अवलोकनकालागि जानेले प्राकृतिको दिव्य र अतुलनीय सुन्दरता देख्नसक्छन् । झरनाको लम्बाई १ सय ८० मिटर छ ।
