काठमाडौं। भारचको सिक्किममा हिउँ पहिरोमा परि ३ नेपाली सहित ७ सात जनाको मृत्युभएको छ।
गान्तोकका डिस्ट्रिक कलेक्टर तुसार निखारेद्वारा जारी विज्ञप्ति अनुसार मंगलबार मध्याह्न गान्तोक–नाथुला जेएनएम सडकमा हिउँ पहिरोमा परि ३ नेपाली सहित ७ जनाको मृत्युभएको हो।
साथै ३ नेपालीसहित १३ जना घाइते भएका छन्। घाइतेहरूको अस्पतालमा उपचार भइरहेको विज्ञप्तीमा उल्लेख गरिएको छ।
चितवनका शिवप्रसाद लामिछाने र २२ वर्षकी आशिका ढकाल तथा रूपन्देहीकी २९ वर्षीया मुना शाह श्रेष्ठको मृत्यु भएको गान्तोकका डिस्ट्रिक कलेक्टर तुसार निखारेले विज्ञप्ति निकालेर जनाएका छन्।
साथै नेपालका ४३ वर्षका रमेश खनाल, ३८ वर्षकी ज्योति गुरूङ, ४० वर्षकी गीता सापकोटा घाइते भएका छन्। उनीहरू घुम्न त्यहाँ पुगेका थिए। हिउँ पहिरोमा करिब ५ सय पर्यटक फसेका थिए।
1663690183.jpg)
