कीर्तिपुर स्वयंसेवक समाजद्वारा एकदिने हाइकिङ सम्पन्न

विविध

गृहपृष्ठ
विविध
कीर्तिपुर स्वयंसेवक समाजद्वारा एकदिने हाइकिङ सम्पन्न

कीर्तिपुर स्वयंसेवक समाजद्वारा एकदिने हाइकिङ सम्पन्न

मंगलबार, असार ४, २०८१ एभरेष्ट पेडिया

काठमाडौं। कीर्तिपुर स्वयंसेवक समाजले असार १ गते चम्पादेवी, भस्मासुर हाइकिङको आयोजना गरेको छ। आन्तरिक पर्यटन प्रवर्द्धन गर्न हरेक महिनाको पहिलो शनिबार नियमित आयोजना गर्ने लक्ष्यका साथ हाइकिङ आयोजना गरिएको हो। पुष्पलाल पार्कबाट सुरु भएको हाइकिङ चम्पादेवी, वाणासुर, भस्मासुर भएर पुन पुष्पलाल पार्कमा पुगी करिब १० किमि पदयात्रा गरी सम्पन्न भएको थियो।

सहरको कोलाहल, धुलो, धुवाँगाडिबाट बिश्राम लिई सहर छेउकै चक्रपथबाट केही बाहिर जानेवित्तिकै बेग्लै परिवेश पाइन्छ। यसले स्वास्थ्य राम्रो हुने, केही सिक्ने, नयाँ साथी बनाउने अवसर दिने भएकाले यस कार्यक्रमको आयोजना गरिएको कीर्तिपुर स्वयंसेवक समाजका अध्यक्ष सुधन सुवेदीले बताए। हाललाई कीर्तिपुर वरिपरि कै हाइकिङलाई प्राथमिकता दिइने उनले बताए।

युवाहरुमा भएको ज्ञान सीप र क्षमताको माध्यमबाट संगठित रूपमा स्वयंसेवा गर्न वि.सं २०६१ सालमा स्थापना भएको कीर्तिपुर स्वयंसेवक समाजले युवा क्षमता विकास, विपद् व्यवस्थापन आदि क्षेत्रहरुमा निरन्तर काम गर्दै आइरहेको छ।
यसै सन्दर्भमा एसईई दिएर बसेका विद्यार्थीहरुलाई ब्यवसायिक सिप तथा क्षमता पहिचान र परामर्श गर्न कीर्तिपुर नगरपालिका र असल छिमेकी नेपालसँगको सहकार्यमा असार ५ मा एक दिवशिय कार्यक्रम पनि आयोजना हुन गईरहेको छ।

प्रकाशित मिति: मंगलबार, असार ४, २०८१ १२:०३

प्रतिक्रिया दिनुहोस्