केभहिलको डिलबाट हिमाल चिहाउँदा

गन्तव्य परिचय

गृहपृष्ठ
गन्तव्य परिचय
केभहिलको डिलबाट हिमाल चिहाउँदा

केभहिलको डिलबाट हिमाल चिहाउँदा

बुधबार, असोज १२, २०७९ एभरेष्ट पेडिया

केभहिल प्राकृतिक सुन्दरता र हिमशृङ्लाको दृश्यावलोकनका लागि प्रसिद्ध छ।

यहाँबाट धौलागिरि हिमाल नजिकबाट अवलोकन गर्न सकिन्छ। यहाँ रहेको जगन्नाथ मन्दिर धार्मिक एवं पर्यटकीय दृष्टिकोणले प्रसिद्ध छ।

म्याग्दीको बेनी नगरपालिका–५, गाजनेमा रहेको पर्यटकीयस्थल केभहिलको डिलबाट देखिएको संसारको सातौं अग्लो चुचुरो धौलागिरि हिमालसहितको मनोरम दृश्यावलोकन हेर्न पाइन्छ।

पर्यटनको प्रचुर सम्भावना बोकेको पर्यटकीय क्षेत्र केभहिल परिसरबाट धौलागिरि र अन्नपूर्ण रेञ्जका सबै हिमालहरु देख्न सकिन्छ।

मनोरम हिमशृङ्खलाको दृश्य नजिकैबाट नियाल्न पाइनु यस क्षेत्रको अर्को आकर्षण हो। यहाँबाट धौलागिरि, निलगिरि, अन्नपूर्णलगायत १४ हिमाल, पर्वत, बागलुङ, स्याङ्जा र कास्कीका विभिन्न ग्रामीण क्षेत्रको अवलोकन गर्न सकिन्छ।
समुन्द्री सतहदेखि २ हजार २ सय मिटरको उचाइमा अवस्थित केभहिलबाट म्याग्दी जिल्लाको ३६ वटा गाउँहरु समेत देखिन्छन्।

केभहिलमा पर्यटन आगमन बढाउनका लागि बेनी नगरपालिकाको आर्थिक सहयोगमा भ्यु–टावर निर्माणाधीन अवस्थामा रहेको छ भने टेकमाइन्ड्सको सहयोगमा इन्टरनेट सेवा उपलब्ध गराउन टावर निर्माण गरी सेवा प्रवाहको तयारी गरिएको छ।

प्रकाशित मिति: बुधबार, असोज १२, २०७९ ११:२८

प्रतिक्रिया दिनुहोस्