नोभेम्बर महिनामा १ लाख १४ हजार पर्यटकको नेपाल आगमन

पर्यटन समाचार

गृहपृष्ठ
पर्यटन समाचार
नोभेम्बर महिनामा १ लाख १४ हजार पर्यटकको नेपाल आगमन

नोभेम्बर महिनामा १ लाख १४ हजार पर्यटकको नेपाल आगमन

सोमबार, मंसिर १७, २०८१ एभरेष्ट पेडिया

प्रतिकात्मक तस्बिर।

काठमाडौं। नेपालको पर्यटन क्षेत्रले यस वर्ष अर्को महत्वपूर्ण उपलब्धि हासिल गरेको छ। नोभेम्बर महिनामा नेपाल भ्रमण गर्ने पर्यटकको संख्या १ लाख १४ हजार बढी पर्यटकले न्पाल भ्रमण गरेका छन्।

जुन गत वर्षको तुलनामा ५.४० प्रतिशतले वृद्धि भएको हो। नेपाल पर्यटन बोर्डले दिएको तथ्याङ्क अनुसार गत महिना नेपाल भ्रमण गर्ने पर्यटकको संख्या १ लाख १४ हजार ५ सय १ रहेको छ । यो संख्याले कोभिड १९ महामारीपछिको पर्यटन पुनर्लाभको सकारात्मक संकेत दिएको छ।

नेपाल भ्रमण गर्ने पर्यटकहरु मध्ये भारत पहिलो स्थानमा रहेको, जहाँ बाट १९ हजार ९ सय १५ पर्यटक नेपाल भित्रिएका छन् भने अमेरिकाबाट १० हजार ९ सय ८१ पर्यटक नेपाल भित्रिएका छन्।

त्यस्तै, चीनबाट ९ हजार ४ सय ५८, बंगलादेशबाट ५ हजार १ सय ४८ र अष्टे«लियाबाट ४ हजार ८ सय २९ पर्यटक नेपाल भित्रिएका छन्।

पर्यटन बोर्डका अनुसार यो वर्षको जनवरी देखि नोभेम्बर सम्म नेपालले कुल १० लाख ५५ हजार ५३३ पर्यटकले नेपाल भ्रमण गरेका छन्।

प्रकाशित मिति: सोमबार, मंसिर १७, २०८१ ०९:४९

प्रतिक्रिया दिनुहोस्