एटीसीसँग अश्लील शब्द बोल्नेसहित तीन हेलिकप्टर पाइलट निलम्बित

विविध

गृहपृष्ठ
विविध
एटीसीसँग अश्लील शब्द बोल्नेसहित तीन हेलिकप्टर पाइलट निलम्बित

एटीसीसँग अश्लील शब्द बोल्नेसहित तीन हेलिकप्टर पाइलट निलम्बित

शुक्रबार, चैत १०, २०७९ एभरेष्ट पेडिया

काठमाडौं। नेपाल नागरिक उड्डयन प्राधिकरणले एयर ट्राफिक कन्ट्रोलर (एटीसी) सँग अश्लील शब्द बोल्ने ‘नेगेटिभ कन्भर्सेसन गर्ने’ एक पाइलटलाई निलम्बन गरेको छ।

प्राधिकरणका प्रवक्ता जगन्नाथ निरौलाका अनुसार काठमाडौं–लुक्ला उडानका क्रममा टावरसँग अश्लील शब्द बोल्ने अन्नपूर्ण हेलिकप्टरका एक पाइलटलाई ग्राउन्डेड गरिएको हो।

‘यही २१, मार्च २०२३ मा काठमाडौंबाट लुक्ला जाने क्रममा अन्नपूर्ण हेलिकप्टरका एक पाइलटले मिस कम्युनिकेशन गरेको हुनाले निजलाई ग्राउण्डेड गरिएको छ’, निरौलाले भने। पाइलटको नाम भने उनले खुलाएनन्।

त्यसैगरी उडान सुरक्षा मापदण्ड उल्लंघन गर्ने थप दुई हेलिकप्टर कम्पनीका पाइलटलाई ग्राउण्डेड गरिएको छ।

एयर डाइनेस्टी र फिस्टेल एयरका पाइलटले पोखरामा ‘प्याराग्लाइडिङ जोन’ भनी छुट्याएको एयरस्पेसमा हेलिकप्टर उडाएका थिए। यी तीनैजना पाइलटले अर्को निर्णय नभएसम्म हेलिकप्टर उडाउन नपाउने खबर राससले प्रकाशित गरेको छ।

प्रकाशित मिति: शुक्रबार, चैत १०, २०७९ ०८:१०

प्रतिक्रिया दिनुहोस्