‘व्लफर्स डायरी’ लोकार्पण

कला/संस्कृती

गृहपृष्ठ
कला/संस्कृती
‘व्लफर्स डायरी’ लोकार्पण

‘व्लफर्स डायरी’ लोकार्पण

मंगलबार, वैशाख २३, २०८२ एभरेष्ट पेडिया

कथाकार दीलिप पौडेलको कथासंग्रह ‘व्लफर्स डायरी’ लोकार्पण भएको छ। सोमबार साँझ एक समारोहमा कृति लोकार्पण भएको हो।

पुस्तकमा विविध विषयका १८ वटा कथा समेटिएको छ। क्यानडामा बसोबास गर्ने पौडेलको यो पहिलो कृति हो। कथामा आदिवासी नेपालीको कथा र आफ्नो गाउँघरको व्यथालाई कथाको रुपमा प्रस्तुत गरेको पौडेलले बताए।

कथा संग्रहमाथि बोल्दै समीक्षक राजकुमार बानियाँले कथामा द्वन्द्वकालका कथादेखि देश, समाज, प्रेम र आप्रवासी नेपालीको कथा व्यथासम्म कलात्मक शैलीमा प्रस्तुत गरेको र संग्रहभित्रका कथाको शीर्षकले पाठकहरुलाई कौतुहलता पैदा गराउने किसिमको रहेको छ।

त्यसैगरी समीक्षक विक्रम भक्त जोशीले कथाहरु छोटा वाक्यहरुमा छन् र पढ्दा रोमाञ्चित बनाउने गरी लेखिएको छ। दुई देशको फ्यूजन गरिएको छ। कथाको परिवेश नै इम्याजिन गर्न सकिने खालको छ। सरल लेखन शैलीमा लेखिएका कथाहरु छन्।

शिखा बुक्सले प्रकाशन गरेको किताबको मूल्य रु. ४९५ रहेको छ।

प्रकाशित मिति: मंगलबार, वैशाख २३, २०८२ १३:५८

प्रतिक्रिया दिनुहोस्