यसै साता नेपालमा मनसुन प्रवेश गर्ने सम्भावना

विविध

गृहपृष्ठ
विविध
यसै साता नेपालमा मनसुन प्रवेश गर्ने सम्भावना

यसै साता नेपालमा मनसुन प्रवेश गर्ने सम्भावना

बुधबार, जेठ १४, २०८२ एभरेष्ट पेडिया

काठमाडौं। भारतको आसाम, भुटान तथा बंगलादेशका केही पूर्वी भू–भागमा मनसुन सक्रिय भएको देखिएसँगै नेपालमा पनि यसै साता मनसुन प्रवेश गर्ने सम्भावना देखिएको छ।

मौसम पूर्वानुमान महाशाखाका अनुसार नेपालमा पूर्वी भू–भागबाट मनसुन प्रवेश गर्ने औसत मिति जुन १३ (जेठ ३१) हो। तर, भू–उपग्रहबाट प्राप्त बादलको अवस्थिति, वायुमण्डलीय विश्लेषण तथा मौसम मोडेलका आधारमा यस वर्षको मनसुन त्यसभन्दा केही दिन छिट्टै प्रवेश गर्ने सम्भावना देखिएको हो।

महाशाखाले पूर्वी नेपालमा यसै साता अर्थात् जेठको दोस्रो साता भित्रै मनसुन प्रवेश गर्न सक्ने आँकलन गरेको छ।

मनसुनी प्रणालीको गतिविधि लगातार अनुगमन भइरहेको भन्दै महाशाखाले तीन दिनको नियमित मौसम बुलेटिन हेर्न तथा अद्यावधिक सूचना लिइरहन नागरिकलाई आग्रह गरेको छ।

प्रकाशित मिति: बुधबार, जेठ १४, २०८२ ०६:५०

प्रतिक्रिया दिनुहोस्