कवि एलिसाको ‘शौन्दर्यको भग्नावशेष’ सार्बजनिक

कला/संस्कृती

गृहपृष्ठ
कला/संस्कृती
कवि एलिसाको ‘शौन्दर्यको भग्नावशेष’ सार्बजनिक

कवि एलिसाको ‘शौन्दर्यको भग्नावशेष’ सार्बजनिक

बुधबार, साउन २८, २०८२ एभरेष्ट पेडिया

काठमाडौ। कवि एवम् सञ्चारकर्मी एलिसा ढुंगानाको कवितासङ्ग्रह ‘सौन्दर्यको भग्नावशेष’ सार्बजनिक भएको छ। गीतकार दिनेश अधिकारीले काठमाडौंमा उनको कविताकृति लोकापर्ण गरेका हुन्।

एलिसाले जीवन र जगतका सत्यहरूलाई सहज रुपमा कवितामा उतारेकामा प्रमुख अतिथि रहेका साहित्यकार अधिकारीले प्रशंसा गरेका छन्।
‘एलिसाको कविताले हरकोहीलाई संवेदित बनाउँछन्’, उनले भने।

अर्का कवि डा. नवराज लम्सालले एलिसाका कवितामा मानिसका सपना र रहरहरूमात्र होइन, अवसाद र असन्तुष्टीका बिचमा कसरी अघि बढ्ने भन्ने सजगता पढ्न सकिने बताए।

कार्यक्रममा साहित्यकारहरू डा. देवी नेपाल, मणि लोहनी र जितेन्द्र रसिकले उनका कविता प्रभावशाली रहेको टिप्पणी गरेका थिए। उक्त अबसरमा कवि एलिसाले बाल्यकालदेखि नै कविताकर्ममा लागेको अनुभव सुनाउँदै भनिन्, ‘कवितामा अझै नयाँनयाँ काम गर्न मन लागेको छ।’
कार्यक्रममा चलचित्र निर्देशक राजेन्द्र शलभ, कवि गीता कार्की, विमला तुम्खेवा, उद्यमी शुष्मा महरा लगायतले लोकार्पित कृतिबाट कविता वाचन गरेका थिए।

प्रकाशक एइएम ग्रुपका प्रवन्ध निर्देशक अजयकुमार रेग्मीले सबैको स्वागत गरेका थिए। प्रस्तुत कृतिभित्र तीन खण्डमा ३८ वटा कविता छन्।

प्रकाशित मिति: बुधबार, साउन २८, २०८२ ०५:४३

प्रतिक्रिया दिनुहोस्