एक वर्षमा सडकमार्गबाट ४ लाख बढी पर्यटक मुस्ताङ पुगे

पर्यटन समाचार

गृहपृष्ठ
पर्यटन समाचार
एक वर्षमा सडकमार्गबाट ४ लाख बढी पर्यटक मुस्ताङ पुगे

एक वर्षमा सडकमार्गबाट ४ लाख बढी पर्यटक मुस्ताङ पुगे

आइतबार, वैशाख ९, २०८१ एभरेष्ट पेडिया

प्रतिकात्मक फाइल तस्बिर।

काठमाडौं। गत वर्ष सडकमार्गबाट प्रसिद्ध पर्यटकीस्थल मुस्ताङ पुग्ने पर्यटककोे संख्या ४ लाख बढी रहेको छ।

अघिल्लो वर्षको वैशाख १ देखि चैत ३० गतेसम्म म्याग्दी–मुस्ताङ छिर्ने नाकाअन्तर्गतको घासा प्रहरी चौकीमा रहेको तथ्यांक अनुसार गत वर्षको वैशाख १ गतेदेखि चैत मसान्तसम्म चार लाख १४ हजार २८० जना आन्तरिक तथा बाह्य पर्यटक मुस्ताङ पुगेका हुन्।

मुस्ताङ पुग्ने पर्यटकहरु मध्ये ३ लाख ३५ हजार ४ ६६ नेपाली पर्यटक रहेको जिल्ला प्रहरी कार्यालय मुस्ताङका प्रमुख प्रहरी नायब उपरीक्षक भोजराज पाण्डेले बताए। तीमध्ये दुई लाख २० हजार सात सय २४ जना पुरुष छन् भने महिलाको सङ्ख्या एक लाख १४ हजार ७ सय ४२ छ।

२०८० मा ७८ हजार आठ सय १४ बाह्य पर्यटक मुस्ताङ घुमेका छन्। यीमध्ये ७२ हजार सात सय ५६ जना सार्क राष्ट्रभित्रका हुन् भने ६ हजार ५८ जना सार्कराष्ट्र बाहिरका रहेका प्रनाउ पाण्डेले जानकारी दिए। उनका अनुसार सार्क राष्ट्रबाट ३८ हजार ८२१ पुरुष र ३३ हजार ९३५ महिला छन्।

सार्क राष्ट्र बाहिरबाट ३ हजार ६४८ पुरुष र २ हजार ४१० महिला मुस्ताङ पुगेका प्रहरीको तथ्याङ्कबाट देखिएको छ।

सडक मार्ग सहज बनेपछि मुस्ताङमा पर्यटकको लर्को लाग्न थालेको छ। बिदा सदुपयोग र तीर्थयात्रा गर्ने आन्तरिक पर्यटकदेखि प्राकृतिक दृश्य नियाल्न चाहने बाह्य पर्यटकसम्मले मुस्ताङ भ्रमण गर्न चाहने हुँदा मुस्ताङमा पछिल्लो समय आन्तरिक तथा बाह्य पर्यटकको घुइँचो बढ्न थालेको हो।

प्रकाशित मिति: आइतबार, वैशाख ९, २०८१ १४:०६

प्रतिक्रिया दिनुहोस्