सोनाम ल्होछार मनाउन बेथानचोक गाउँपालिकाले दियाे दुई दिन बिदा

पर्यटन समाचार

गृहपृष्ठ
पर्यटन समाचार
सोनाम ल्होछार मनाउन बेथानचोक गाउँपालिकाले दियाे दुई दिन बिदा

सोनाम ल्होछार मनाउन बेथानचोक गाउँपालिकाले दियाे दुई दिन बिदा

सोमबार, माघ १४, २०८१ एभरेष्ट पेडिया

फाइल तस्बिर: गाेरखापत्र

काभ्रेपलाञ्चोक। तामाङ समुदायको राष्ट्रिय साँस्कृतिक पर्व सोनाम ल्होछारको अवसरमा बेथानचोक गाउँपालिकाले दुई दिन सार्वजनिक बिदा दिने निर्णय गरेको छ।

गाउँपालिकाको माघ १४ गते बसेको कार्यपालिकाको बैठकले माघ १७ र १८ गते सार्वजनिक बिदा दिने निर्णय गरेको हो। यो बिदा गाउँपालिकाका सम्पूर्ण कार्यालय, वडा कार्यालय, सामुदायिक तथा निजी शैक्षिक संस्था, स्वास्थ्य संस्था (अत्यावश्यक सेवा बाहेक) र अन्य संघसंस्थामा लागू हुनेछ।

यस वर्ष तामाङ समुदायले २८६१औँ सोनाम ल्होछार (डुल ल्हो, सर्प वर्ष) विशेष रुपमा मनाउँदैछन्। उक्त पर्व तामाङ समुदायको मौलिक संस्कृति र पहिचानको प्रतीक मानिन्छ।

गाउँपालिकाले यस निर्णयले समुदायको मौलिक संस्कृति संरक्षण र पर्वप्रतिको सम्मान प्रकट हुने विश्वास व्यक्त गरेको छ।

प्रकाशित मिति: सोमबार, माघ १४, २०८१ १७:५१

प्रतिक्रिया दिनुहोस्