नुवाकोटको गुर्जे झरना हुँदै समुत्थान बस्तीमा ‘ऐँसेलु हाइकिङ’ गराइने

गन्तव्य परिचय

गृहपृष्ठ
गन्तव्य परिचय
नुवाकोटको गुर्जे झरना हुँदै समुत्थान बस्तीमा ‘ऐँसेलु हाइकिङ’ गराइने

नुवाकोटको गुर्जे झरना हुँदै समुत्थान बस्तीमा ‘ऐँसेलु हाइकिङ’ गराइने

सोमबार, वैशाख २२, २०८२ एभरेष्ट पेडिया

काठमाडौं । नेपालमा स्वस्थ आन्तरिक पर्यटन विकासमा अग्रणी भूमिका निवार्ह गर्दै आएको ललितपुरको ‘प्रकृतिप्रेमी समूह’ले वैशाख २७ गते शनिबार नुवाकोटको गुर्जे झरनामा ऐँसेलु हाइकिङ गराउने भएको छ।

Aiselu-hiking-(18)-1746445034.jpg

शिवपुरी गाउँपालिका वडा नं. ६ र ७ को सिमामा अवस्थित छोङ छोङ (गर्जुे)झरना रमणीय छ। चट्टानबाट झरेको छोङ छोङ खोलाबाट बनेको करिब ३५ मिटर अग्लो झरना।
‘हामी चौकी भन्ज्याङबाट पदयात्रा सुरु गरेर गुर्जे झरना हुँदै हाइकर्सलाई समुत्थान बस्ती पु¥याएर गुरुङ गाउँसम्म पदयात्रा गराउने छौं’, आयोजक संस्थाकी सचिव एवम् हाइकिङविज्ञ राम देवी महर्जनले भनिन्, ‘त्यो दिन हामी करिब १३ किलोमिटर हाइकिङ गर्नेछौं।’

Aiselu-hiking-(17)-1746445034.jpg

उनीहरू ‘आफ्नो स्वास्थ्य आफ्नै हातमा’ लेखिएको निलो क्याप लगाएर पदयात्रा गर्नेछन्। यतिबेला पदमार्ग छेउछाउमा ऐँसेलु पहेंलपुर देख्रिन्छ भने काफल पनि पाकेका छन्। त्यसैले ऐंसेलु र काफल खाँदै हाइकिङ गर्न सकिन्छ।

स्मरणीय छ, यस संस्थाले हरेक महिनाको दोस्रो र चौंथो शनिबार काठमाडौं सेरोफेरोमा हाइकिङ गराउँदै आएको छ। उसको हाइकिङमा जङ्कफुड, फास्टफुड र मदिरा निषेध हुन्छ। हाइकर्सलाई स्वास्थ्यवद्र्धक खाना मात्र खुवाइन्छ।

यही बिहीबार साँझसम्म सम्पर्क गरेर हाइकिङमा सहभागी हुन पाइनेछ।
सम्पर्क:
प्रकृतिप्रेमी समूह
फोन: ०१–५४४१९९१