लाङटाङ ट्रेल रन सुरु (तस्बिरहरू)

फोटो ग्यालरी

गृहपृष्ठ
फोटो ग्यालरी
लाङटाङ ट्रेल रन सुरु (तस्बिरहरू)

लाङटाङ ट्रेल रन सुरु (तस्बिरहरू)

शनिबार, जेठ २४, २०८२ मनिष अर्याल

लाङटाङ। लाङटाङको क्यान्जिन भ्यालीबाट ३२ किलोमिटर लामो ‘लाङटाङ ट्रेल रन’ सुरु भएको छ। रसुवा र नुवाकोटको पर्यटन प्रवर्द्धन गर्ने उद्देश्यले शनिबार यस प्रतियोगिता सुरु गरिएको हो।

ट्रेल रन रसुवा–नुवाकोट पर्यटन समाजको आयोजनामा भएको हो। प्रतियोगितामा स्वदेशी तथा विदेशी गरी कुल १०० धावकको सहभागिता रहेको छ।

३ हजार ८ सय ५० मिटरको उचाइमा रहेको क्यान्जिन गुम्बाबाट सुरु भएको दौड स्याफ्रुबेसीसम्म पुगेको हो। साहसिक खेल र पदयात्राको गन्तव्यका रूपमा परिचित लाङटाङ क्षेत्रलाई अझ चर्चित बनाउने लक्ष्यसहित यो ट्रेल रन आयोजना गरिएको आयोजकले बताएका छन्।

संस्कृति तथा पर्यटन मन्त्रालय बागमती प्रदेश, नेपाल पर्यटन बोर्ड र गोसाइँकुण्ड गाउँपालिकाको सहयोगमा आयोजना गरिएको प्रतियोगिता बागमती प्रदेशका संस्कृति तथा पर्यटनमन्त्री विमल ठकुरीले उद्घाटन गरे।

ट्रेल रनका महिला र पुरुष विजेताले छुट्टाछुट्टै नगद पुरस्कार प्राप्त गर्नेछन्। पहिलो स्थान हासिल गर्ने धावकले १ लाख रुपैयाँ, दोस्रोले ७५ हजार, तेस्रोले ५० हजार, चौथोले २५ हजार र पाँचौंले १५ हजार रुपैयाँ पुरस्कार पाउनेछन्।

आयोजक संस्था रसुवा–नुवाकोट पर्यटन समाजका अध्यक्ष बलराम न्यौपानेका अनुसार लाङटाङ राष्ट्रिय निकुञ्ज क्षेत्रमा साहसिक पर्यटन प्रवर्द्धन गर्ने उद्देश्यले यो ट्रेल रन आयोजना गरिएको हो।

थप तस्बिरहरू: