काठमाडौँ। संस्कृति, पर्यटन तथा नागरिक उड्डयन मन्त्रालयले ‘राष्ट्रिय तथा प्रादेशिक प्रतिभा पुरस्कार- २०८१’ अन्तर्गत भाषा, साहित्य, संस्कृति, संगीत, नाट्य र ललितकला विधामा योगदान दिएका विभिन्न स्रष्टाहरूलाई सम्मान गर्ने निर्णय गरेको छ।
मन्त्रालयका अनुसार राष्ट्रिय तथा प्रादेशिक तहमा गरी दर्जनौँ स्रष्टा र संस्थालाई २०७४ सालमा बनेको कार्यविधिअनुसार पुरस्कार प्रदान गरिनेछ। मन्त्रिपरिषद्को असार १८ गतेको निर्णय अनुसार सम्मानित हुने स्रष्टाहरूको नामावली सार्वजनिक गरिएको हो।
भाषा तथा साहित्य विधामा:
राष्ट्रिय प्रतिभा पुरस्कार: रामेछापका अमृत योन्जन तामाङ।
प्रादेशिक पुरस्कारमा मोरङका विमल तुम्बेवा, सियाह बारामतीका श्याम सह, काभ्रेका नर्मदेश्वरी सत्यात, बागलुङका मौनराज बसन्त रेग्मी, बाँकेका भगवानदास यादव, सल्यानी सनीर शाह (सत्यानी माइला) र बैतडीका नरेन्द्रप्रसाद भट्ट सम्मानित हुने छन्।
संस्कृति विधामा:
राष्ट्रिय पुरस्कार: डा. सोमबहादुर धिमाल (मोरङ)।
प्रादेशिक पुरस्कार पाउनेमा भोजपुरका कमलजङ राई, रौतहटका शीतल निरी, दोलखाकी तारादेवी सुनुवार, गोरखाका भक्तिप्रसाद शर्मा, बाँकेको इडिस खाँ (इद्रिस सायल), कालिकोटका मोतिराज बम, र बैतडीका देवेन्द्र प्रसाद भट्ट छन्।
संगीत तथा नाट्य विधामा:
राष्ट्रिय पुरस्कार: बाजुराका राजेन्द्र बहादुर शाह (राजेन्द्र शाह वि.पी.)।
प्रादेशिक पुरस्कार अन्तर्गत सुनसरीका विपिन किरण पौडेल, सर्लाहीका शिवशंकर रिजाल (जोगेन्द्र पानवाला), काठमाडौंका सुरेशराज शर्मा, कास्कीकी दिया मार्ले, रोल्पाका उरिराम सड्का, कर्णालीका तिलक परियार र रुकुम पश्चिमका प्रकाशबहादुर थापा छन्।
ललितकला विधामा:
राष्ट्रिय पुरस्कार: काठमाडौंका मुकेश मल्ल (कला समीक्षक)।
प्रादेशिक पुरस्कारमा झापाका हिम्मतबहादुर लिम्बु नेम्बाङ (मूर्तिकला), सिराहाकी गीता कुमारी ठाकुर (लोककला), ललितपुरकी प्रमिता बन्ध (चित्रकला), मुस्ताङका शशिध्वज तुत्तावन (परम्परागत चित्र), गुल्मीका हरिराम अधिकारी (मूर्तिकला), हुम्लाका चेकयोक तामाङ (हस्तकला), र कैलालीका मित्यु चौधरी (चित्र/मूर्तिकला) छन्।
यो पुरस्कारद्वारा विभिन्न तहका मौलिक सर्जकहरूको योगदानलाई कदर गर्ने उद्देश्य राखिएको मन्त्रालयले जनाएको छ।
-1751526662.jpg)
-1751526662.jpg)
-1744786301.jpg)
