माओवादीका सुदन बने पर्यटन मन्त्री

पर्यटन समाचार

गृहपृष्ठ
पर्यटन समाचार
माओवादीका सुदन बने पर्यटन मन्त्री

माओवादीका सुदन बने पर्यटन मन्त्री

मंगलबार, माघ ३, २०७९ एभरेष्ट पेडिया

काठमाडौं । नेकपा माओवादी केन्द्रका सुदन किराती पर्यटन तथा नागरिक उड्डयन मन्त्रीमा नियुक्त भएका छन् ।
सत्तारूढ दलबीच मन्त्रालय भागबन्डा गर्दा पर्यटन मन्त्रालय माओवादी केन्द्रको भागमा परेसँगै प्रधानमन्त्री पुष्पकमल दाहाल प्रचण्डले किरातीलाई मन्त्रीमा नियुक्त गरेका हुन् ।

नव नियुक्त मन्त्री किरातीले मंगलबार राष्ट्रपति निवासमा शपथ लिएका छन् । उनी एउटै निर्वाचन क्षेत्र रहेको भोजपुरबाट प्रतिनिधिसभा सदस्यमा निर्वाचित भएका थिए । उनले निकटतम प्रतिस्पर्धी नेकपा एमालेका शेरधन राईलाई २३ सय ८५ मतान्तरले पराजित गर्दै विजयी हासिल गरेका थिए ।

किराती यस अघि २०६४ र २०७४ सालमा यहीँ क्षेत्रबाट निर्वाचित सांसद हुन् । उन यसपटक समेत गरी तेस्रो पटक निर्वाचित भइसकेका छन् । तेस्रो पटक सासदमा निर्वाचित भएपनि उनि पहिलो पटक मन्त्री भएका हुन् । यसअघि २०७० सालको निर्वाचनमा भने उनी एमालेका शेरधन राईसँगै पराजित भएका थिए ।

२०४६ सालको जनआन्दोलनपछि विद्यार्थी आन्दोलनमा सहभागी भएर राजनीतिमा प्रवेश गरेका सुदन स्कुल प्रारम्भिक कमिटी अध्यक्ष हुँदै २०५५ सालमा खम्बुवान राष्ट्रिय मोर्चा सदस्य रहे । माओवादी केन्द्रको भोजपुर जिल्ला अध्यक्ष हुँदै उनी २०७४ सालमा माओवादीको केन्द्रीय सदस्य भए ।

माओवादी आन्दोलनका क्रममा करिब ९ वर्ष भूमिगत रहेका किराती २०६१ सालबाट २०६३ सालसम्म २३ महिना बन्दी जीवन समेत बिताएका छन् ।

प्रकाशित मिति: मंगलबार, माघ ३, २०७९ १३:३१

प्रतिक्रिया दिनुहोस्