दोलखा । आइतबार दोलखाको हिमाली भेगमा हिमपात भएको छ ।
पश्चिमी वायुको प्रभावका कारण मेघ गर्जनसहित देशकाे केही भाग वर्षात् र उच्च हिमाली भेगमा हिमपात भएको हो ।
लामो समयदेखि वर्षा र हिउँ नपर्दा निरास भइका किसान तथा पर्यटनकर्मीहरु आइतबारको हिमपात र वर्षात सँगै खुसी भएका छन्।
-ink.jpeg)
दोलखामा ६ महिनापछि हिउँदे वर्षा र हिमपात भएको हो । आइतबार अपराह्नबाट दोलखाको तल्लो क्षेत्रमा हावाहुरीसहित वर्षा भएको हो भने माथिल्लो क्षेत्रमा हिमपात भएको हो । हिमपातले दोलखाको माथिल्लो भेगका आलु किसानमा खुसीयाली छाएको छ ।
-ink.jpeg)
ढिलोगरी भएपनि जिल्लाको शैलुङ र कालिञ्चोकलगायतका उच्च भेगमा हिमपात भएकाले स्थानीय पर्यटन तथा होटेल व्यवसायीहरू पनि खुशी भएका छन् ।
सबै तस्बीर/भिडियाे : हरि ओलि
