जलवायु परिवर्तनको असर न्युनिकरण गर्न मुस्ताङको घरपझोङ गाउँपालिकाले संसारकै ध्यानाकर्षण गराउने (भिडियाे)

पर्यटन समाचार

गृहपृष्ठ
पर्यटन समाचार
जलवायु परिवर्तनको असर न्युनिकरण गर्न मुस्ताङको घरपझोङ गाउँपालिकाले संसारकै ध्यानाकर्षण गराउने (भिडियाे)

जलवायु परिवर्तनको असर न्युनिकरण गर्न मुस्ताङको घरपझोङ गाउँपालिकाले संसारकै ध्यानाकर्षण गराउने (भिडियाे)

बुधबार, साउन २८, २०८२ एभरेष्ट पेडिया

ठिनी गाउँको शिरमा रहेको हिउँ चितुवा गुफाभित्रबाट देखिएको दृश्य

काठमाडौं
जलवायु परिवर्तनले जल, जमिन र हावामा पारेको असरबाट दिनदिनै पृथ्वीमा समस्या थपिँदै गएकाले यसमा सरोकारवाला सबैको गम्भीर ध्यानाकर्षण गराउन मुस्ताङको घरपझोङ गाउँपालिकाले महत्वपूर्ण कार्यक्रम आयोजना गर्ने भएको छ।
गाउँपालिकाका प्रमुख मोहनसिंह लालचनको योजनामा आउँदो भदौ ३१ गते देशभरका गाउँपालिका र नगरपालिकाका प्रमुख तथा उपप्रमुखसहित विज्ञहरूको उपश्थितिमा जलवायु सम्मेलन गर्न लागिएको हो।

मोहनसिंह लालचन, अध्यक्ष, घरपझोङ गाउँपालिका, मुस्ताङ

‘जलवायु परिवर्तबाट तराईदेखि हिमालसम्म असर पुगेको छ’, अध्यक्ष लालचन भन्छन्, ‘त्यसैले हामी मुलुकभरका जनप्रतिनिधिबाट आआफ्नो क्षेत्रमा परेको असर र त्यसको न्युनिकरणका लागि हामीले अपनाउनु पर्ने उपायबारे छलफल गर्नेछौं।’

जलवायु संरक्षणका लागि सम्मेलनमा उपश्थित सबैले प्रतिबद्धता जनाउनेछन्। सम्मेलनपछि घरपझोङ जलवायु घोषणापत्र जारी हुनेछ। यसबाट संसारको ध्यानाकर्षण हुने आयोजकको विश्वास छ।
सम्मेलनमा मुलुकभरका ७५३ पालिकाबाट करिब ३ हजार जनप्रतिनिधिको सहभागिता हुने अनुमान गरिएको छ। उनीहरूलाई मार्फा, जोमसोम, स्याङ र ठिनीका होटल तथा होमस्टेमा बसोबासको व्यवस्था मिलाउने तयारी गरिएको छ।