झलमल्ल घोडेपानी (फोटो फिचर)

पर्यटन समाचार

गृहपृष्ठ
पर्यटन समाचार
झलमल्ल घोडेपानी (फोटो फिचर)

झलमल्ल घोडेपानी (फोटो फिचर)

शनिबार, कात्तिक २९, २०८२ एभरेष्ट पेडिया

प्रताप गुरुङ
म पेशाले ट्रेकिङ गाइड हुँ। शौखले वाइल्ड लाइफ फोटोग्राफी पनि गर्छु। पेशा नै पर्यटक घुमाउने भएकाले ठाउँठाउँमा डुलिरहन्छु। यतिबेला म अन्नपूर्ण क्षेत्रको घोडेपानी (म्याग्दी)मा छुु।

अमेरिकी पदयात्रीका साथमा पथ प्रदर्शक एवम् वाइल्डलाइफ फोटोग्राफर प्रताप गुरुङ

मेरो साथमा दुुईजना अमेरिकी नागरिक छन्, ८० वर्षे श्रीमान र २ वर्ष कान्छी उनकी जीवन साथी। दुवैजना ट्रेकिङ लभर हुन्। नेपाललाई असाध्यै माया गर्छन्। हामी घोडेपानी क्षेत्रका रैथाने चरा पनि अवलोकन गरिरहेका छौं।
ज्येष्ठ नागरिक भए पनि दुवै जना फूर्तिला छन्। ट्रेकिङ लौरो टेक्नु परेको छैन।

हामी भोलि घान्द्रुक पुग्नेछौं। त्यहाँबाट पोखरा हुँदै चितवन जाने हाम्रो योजना छ।

एउटा कुरा, यतिबेला मौसम खुलेको छ। घोडेपानीबाट अन्नपूर्ण, धौलागिरि, र माछापुच्छे« हिमसृङ्खला झलमल्ल देखिन्छन्। चिसो भने दिनदिनै बढ्दैछ। त्यसैले न्याना कपडासहित राम्रो तयारी गरेर पदयात्रामा निस्कनुस् है ।

फेरि भेटौंला !