ल्हायुल : पर्वतारोहीलाई प्रकृतिको सुन्दर उपहार (भिडियो)

पर्यटन समाचार

गृहपृष्ठ
पर्यटन समाचार
ल्हायुल : पर्वतारोहीलाई प्रकृतिको सुन्दर उपहार (भिडियो)

ल्हायुल : पर्वतारोहीलाई प्रकृतिको सुन्दर उपहार (भिडियो)

मंगलबार, मंसिर २, २०८२ एभरेष्ट पेडिया

संजिब गुरुङ, अध्यक्ष, पर्वतीय पथ प्रदर्शक संघ, नेपाल

काठमाडौं
सुदूरपश्चिम प्रदेश, दार्चुला जिल्लाको अपिहिमाल गाउँपालिकामा पर्ने ‘ल्हायुल’ हिमाल व्यवसायिक रुपमा पवर्तारोहणका लागि उपयुक्त देखिएको छ। पर्वतीय पथ प्रदर्शक संघ, नेपाल (मोगान)का अध्यक्ष संजिब गुरुङका अनुसार ल्हायुल (६,३९७ मिटर) पर्वतारोहीका लागि प्रकृतिको सुन्दर उपहार हो।
यस हिमचुलीमा गत साउन २९ देखि असोज १५ गतेसम्म ‘पेशागत पर्वतीय पथ प्रदर्शक ग्रिष्मकालीन सीप’ तालिम कार्यक्रम गरिएको थियो। यसमा चौध जना प्रशिक्षार्थी र ६ जना प्रशिक्षकको सहभागिता थियो। प्रशिक्षक भूमिका निवार्ह गरेका गुरुङ भन्छन्, ‘राम्रो प्रचारप्रसार गर्न सके ल्हायुलसहित अपीनम्पा हिमसृङ्खलामा पर्वतारोहणको राम्रो सम्भावना छ।’
नेपाल पर्वतारोहण संघ एवम् नेपाल पर्यटन बोर्ड र युनएनडिपीको परियोजना ‘स्टेप’को संयुक्त आयोजना र अपिहिमाल गाउँपालिकाको सहकार्यमा भएको तालिमले अपी क्षेत्रमा पर्वतारोहणको सम्भावना उजागर गरेको छ।
यहाँको पर्यटन विकासमा अपिहिमाल गाउँपालिकाले पनि उदाहरणीय भूमिका निवार्ह गर्दै आएको छ। अचेल अपी हिमाल (७,१३२ मिटर)को आधारशिविरसम्म आन्तरिक पर्यटकको चहलपहल हुन थालेको छ। यसै सन्दर्भमा मोगानका अध्यक्ष गुरुङले एभरेस्ट पेडियालाई ल्हायुल हिमाल आरोहणको कथा सुनाएका छन्।