होलीको अवसरमा जिरीमा होली विशेष कार्यक्रम हुने

पर्यटन समाचार

गृहपृष्ठ
पर्यटन समाचार
होलीको अवसरमा जिरीमा होली विशेष कार्यक्रम हुने

होलीको अवसरमा जिरीमा होली विशेष कार्यक्रम हुने

सोमबार, माघ १६, २०७९ एभरेष्ट पेडिया

फाइल तस्बिर

जिरी। रङ्गहरूको पर्वको रुपमा परिचित होली पर्वको अवसरमा जिरीमा होली विशेष कार्यक्रम हुने भएको छ ।

जिरी युवा सञ्जालको आयोजनामा जिरी बजारमा फागुन २२ गते साेमबार एक दिने होली विशेष कार्यक्रमको आयोजना गरिने भएको हो ।

कोरोना महामारीका कारण गत वर्ष स्थगित भएको कार्यक्रम यस वर्ष भने आयोजना गर्न लागिएको युवा सञ्जालका अध्यक्ष केन्द्र ज्योति खड्काले जानकारी दिए ।

जिरीको पर्यटन क्षेत्रलाई प्रर्वद्धन गर्ने उद्देश्यले कार्यक्रमको आयोजना गर्न लागिएको उनले बताए । उनले भने,‘यो क्षेत्र पर्यटकीय गन्तव्यको रुपमा परिचित रहेको छ यहाँको पर्यटन क्षेत्रको प्रर्वद्धन गर्ने उद्देश्यले यस कार्यक्रमको आयोजना गर्न लागिएको हो।’

कार्यक्रममा संगितिक प्रस्तुतिहरू समेत समावेश गरिने आयोजकले जनाएको छ । कलकारहरुको विषयमा टुङ्गो लागिनसके पनि स्थानीय कलकारहरुको प्रस्तुती समेत रहने अध्यक्ष खड्काले बताए ।