अपि हिमाललाई सुदूरपश्चिमकै प्रमुख पर्यटन केन्द्र बनाइने (भिडियो)

एभरेष्ट पेडिया टिभी

गृहपृष्ठ
एभरेष्ट पेडिया टिभी
अपि हिमाललाई सुदूरपश्चिमकै प्रमुख पर्यटन केन्द्र बनाइने (भिडियो)

अपि हिमाललाई सुदूरपश्चिमकै प्रमुख पर्यटन केन्द्र बनाइने (भिडियो)

बुधबार, वैशाख २४, २०८२ एभरेष्ट पेडिया

काठमाडौं। सुदूरपश्चिमको सुन्दर गन्तव्य ‘अपि बेस क्याम्प’मा पदयात्रीको आकर्षण बढ्दै गएको छ। दार्चुलाको अपिहिमाल गाउँपालिकाको सक्रियतामा पर्यटन प्रवर्द्धनका काम गरिएसँगै चहलपहल बढेको हो।

पदमार्गको मकरीगाढसम्म जिपमा जान सकिन्छ। त्यहाँबाट दुई दिन र एक बिहान हिँडेमा सजिलै बेस क्याम्प (४,००० मिटर) पुगिन्छ। बेस क्याम्पमा अपि, नम्पा, कायाकोरसहितका हिमाल उभिएका छन्।

गाउँपालिकाले ठाउँ-ठाउँमा होमस्टे तथा होटल सञ्चालनको वातावरण बनाएसँगै विशेषतः आन्तरिक पर्यटक बढ्दै गएका हुन्। ‘यो आर्थिक वर्षमा करिब ३ हजार पर्यटकले अपिहिमाल क्षेत्र भ्रमण गरिसके’, गाउँपालिकाका अध्यक्ष भक्तसिंह ठेकरे बोहोरा भन्छन्, ‘तिनमा सय जना विदेशी हुन्।’

दुई वर्ष यता पर्यटक संख्या बढ्दै जाँदा जनप्रतिनिधि र गाउँले उत्साहित बनेका छन्। ‘अपि हिमाललाई सुदूरपश्चिमको प्रमुख पर्यटकीय केन्द्र बनाउने प्रयासमा छौं’, अध्यक्ष बोहोरले भने, ‘हामी पर्यटकीय पूर्वाधार विकासमा लगानी बढाउँदैछौं।’

भक्तसिंह ठेकरे बोहोरा (अध्यक्ष, अपिहिमाल गाउँपालिका)

काठमाडौंबाट पदयात्रामा निस्कँदा ९ दिन छुट्टयाएमा अपि हिमाल बेस क्याम्प पुगेर फर्कन भ्याइन्छ। यसै विषयमा एभरेस्ट पेडियाले गाउँपालिकाका अध्यक्ष भक्त सिंह ठेकरे बोहोरासँग कुराकानी गरेको छ।