पर्यटन कुनै साधारण क्षेत्र होइन; यो राष्ट्रको अन्तर्राष्ट्रिय छवि, अर्थतन्त्र, उड्डयन, आतिथ्य उद्योग, रोजगारी सिर्जना तथा सांस्कृतिक कुटनीतिसँग प्रत्यक्ष जोडिएको राष्ट्रिय प्राथमिकताको विषय हो। त्यसैले नेपालको पर्यटन प्रवद्र्धनका लागि ‘गुडविल एम्बासडर’ नियुक्त गर्दा उच्चस्तरको व्यावसायिकता, अनुभव, विश्वसनीयता र अन्तर्राष्ट्रिय प्रभावलाई प्राथमिकतामा राखिनु आवश्यक छ।
विगतमा नेपाल सरकार तथा नेपाल पर्यटन बोर्डद्वारा विभिन्न व्यक्तित्वहरूलाई पर्यटन प्रवद्र्धनका लागि नियुक्त गरिएको थियो। तीमध्ये केहीले नेपाललाई अन्तर्राष्ट्रिय स्तरमा सकारात्मक रूपमा चिनाउन महत्वपूर्ण योगदान दिएका छन्, जसका लागि सम्मान व्यक्त गर्नुपर्छ। विशेष गरी पर्वतारोहण, साहसिक पर्यटन, संस्कृति, पाककला, मिडिया तथा अन्तर्राष्ट्रिय पर्यटन प्रवद्र्धनमा सक्रिय केही व्यक्तित्वहरूले नेपालको छवि सुदृढ बनाउन योगदान दिएका छन्।
परिवर्तित सन्दर्भमा अब पर्यटन प्रवद्र्धनलाई अझ व्यावसायिक, रणनीतिक र परिणाममुखी बनाउनु आवश्यक छ।
दोलखाको रोल्वालिङ क्षेत्रमा अवस्थित च्छो रोल्पा हिमताल । तस्बिर : अमृत भादगाउँले
आजको पर्यटन उद्योग केवल औपचारिक कार्यक्रम, सम्मान वा सामाजिक सम्बन्धमा सीमित छैन। आधुनिक पर्यटन प्रत्यक्ष रूपमा निम्न पक्षहरूसँग सम्बन्धित छः
- अन्तर्राष्ट्रिय उड्डयन तथा हवाई पहुँच
- होटल तथा आतिथ्य उद्योग
- डिजिटल मार्केटिङ
- गन्तव्य ब्रान्डिङ
- अन्तर्राष्ट्रिय सञ्चार तथा मिडिया
- ट्राभल डकुमेन्ट्री र कन्टेन्ट निर्माण
- दिगो तथा जिम्मेवार पर्यटन
- लक्जरी तथा अनुभवात्मक यात्रा
- विश्वव्यापी नेटवर्किङ र प्रभाव
यस कारण, नेपालको पर्यटन प्रतिनिधित्व गर्ने व्यक्तिहरूसँग पर्यटन, आतिथ्य, उड्डयन, मिडिया तथा अन्तर्राष्ट्रिय पर्यटन बजारबारे पर्याप्त ज्ञान र व्यावहारिक अनुभव हुनु आवश्यक छ।
नेपालजस्तो अद्वितीय पर्यटन सम्भावना भएको देशलाई विश्वसामु प्रभावकारी रूपमा प्रस्तुत गर्न अब नयाँ पुस्ताका पर्यटन प्रवद्र्धकहरूसँग सहकार्य गर्नुपर्ने आवश्यकता छ। विशेष गरीः
- अन्तर्राष्ट्रिय ट्राभल राइटर
- पर्यटन इन्फ्लुएन्सर
- ब्लगर तथा भ्लगर
- डकुमेन्ट्री निर्माता
- डिजिटल कन्टेन्ट क्रिएटर
- फोटोग्राफर
- साहसिक तथा वेलनेस पर्यटन प्रवद्र्धक
- उड्डयन तथा आतिथ्य विशेषज्ञ
यस्ता व्यक्तिहरूले आजको डिजिटल युगमा नेपाललाई विश्व बजारमा प्रभावकारी रूपमा प्रस्तुत गर्न महत्वपूर्ण भूमिका खेल्न सक्छन्।
एउटा प्रभावशाली भिडियो, डकुमेन्ट्री, लेख वा डिजिटल अभियानले हजारौं पर्यटकलाई नेपाल भ्रमणका लागि प्रेरित गर्न सक्छ। त्यसैले पर्यटन प्रवद्र्धन अब केवल औपचारिक प्रतिनिधित्व नभई व्यावसायिक कथा प्रस्तुति, रणनीतिक सञ्चार र अन्तर्राष्ट्रिय प्रभावको विषय बनेको छ।
नेपाल सरकार तथा सम्बन्धित निकायहरूले आगामी दिनमा पर्यटन ‘गुडविल एम्बासडर’ नियुक्त गर्दा निम्न आधारहरूलाई प्राथमिकता दिनु उपयुक्त हुनेछः
१. पर्यटन क्षेत्रमा वास्तविक योगदान
२. अन्तर्राष्ट्रिय पहुँच तथा प्रभाव
३. पर्यटन, आतिथ्य र उड्डयन क्षेत्रको ज्ञान
४. व्यावसायिक विश्वसनीयता र नैतिकता
५. नेपालको पर्यटन प्रवद्र्धनप्रतिको प्रतिबद्धता
६. डिजिटल तथा अन्तर्राष्ट्रिय सञ्चार क्षमता
७. दिगो तथा जिम्मेवार पर्यटनको ज्ञान
८. परिणाममुखी पर्यटन प्रवद्र्धन गर्ने क्षमता
नेपालसँग हिमालय, संस्कृति, आध्यात्मिकता, वेलनेस, जैविक विविधता, साहसिक पर्यटन तथा लक्जरी अनुभवात्मक यात्राजस्ता विश्वस्तरीय सम्पदा छन्। अब आवश्यकता भनेको ती सम्पदालाई विश्वसामु सही ढङ्गले प्रस्तुत गर्न सक्ने सक्षम, अनुभवी र अन्तर्राष्ट्रिय स्तरमा प्रभाव पार्न सक्ने पर्यटन दूतहरूको चयन गर्नु हो।
यदि नेपालले पर्यटन क्षेत्रलाई वास्तवमै विश्वस्तरमा नयाँ उचाइमा पु¥याउने लक्ष्य राखेको छ भने, अबको ध्यान व्यावसायिक पर्यटन प्रवद्र्धन, डिजिटल प्रभाव, अन्तर्राष्ट्रिय मिडिया सहकार्य तथा गुणस्तरीय पर्यटन प्रतिनिधित्वतर्फ केन्द्रित हुनुपर्छ।
-1767877915.jpg)
